Азвесь ошмесъеслэн шаерзы (Эфир от 31.05.2019)
Анатолий Васильевич Мамонтов —удмурт калыклэн одӥгез йӧно, визьмо но дано пиез. Со Россиысь калык артист, Удмурт элькунлэн но Ижкарлэн дано кунмуртэз. Вордӥськиз со 1937-тӥ арын Дэри ёросысь Изгуртын. Ижысь крезьгуръя училищеез йылпумъяса дышетскыны пыриз Казаньысь консерваторие. Собере ужаны шедиз «Италмас» кун ансамбле но быдэс улонзэ герӟаз та дано коллективен - со 50 арлэсь кема кивалтӥз соин. «Италмасэз» али но Мамонтовтэк син азе пуктыны шуг — 5-6 аръёс со отын ӧвӧл ни ке но. Секыт висемез бере со туэ улонысь кошкиз... «Азвесь ошмесъёслэн шаерзы» сузьетысь радиоверанын со сярысь тодазы ваё артистъёс Евгения Медведева но Владимир Лебедев, художник Пётр Ёлкин, сузэрез Татьяна Мамонтова но огъёзо гуртоез Домна Егорова#РадиоРоссииУдмуртия