Эшъяськон тугоко (Эфир от 11.06.2019)
Алнаш ёросысь Улын Сырьезь гуртысь «Азвесь гырлы» ансамбль 1994-тӥ арын кылдэмын. Солы туэ 25 ар тырмоз ини. Кырӟаны усточиос ӧжыт ӧвӧл та гуртын. Соос вашкалазэ утьыны тыршо, пичи дыръязы кылэм кырӟанъёссэс ансамбльлэн репертуараз пырто. Аръёс кыдатӥзы та коллективез, отын кырӟасьёслэсь быгатонлыксэс но юнматӥзы. Али сое туж шӧдыны луэ ни — элькунамы но Россиын ортчылӥсь пӧртэм вожвылъяськонъёсын сырьезьёс лауреат луыло. Берпуметӥез вормонзы тужгес но дуно - «Азвесь гырлы», нырысетӥ степенё лауреат луэм сяна, басьтӥз 2 миллион манет уксё. «Эшъяськон тугоко» сузьетысь радиоверанын со сярысь кенешиськомы кивалтӥсенызы Светлана Ивановаен но та коллективын кырӟасен Елизавета Андрееваен#РадиоРоссииУдмуртия