Куноен кенешон (Эфир от 03.12.2020)
3 тӥ толсуре быдэс дуннеын пусъё ляб тазалыко, сӧсыр муртъёслэсь нуналзэс. Со чакламын тазалыксэс ыштэм муртъёслы саклык висъян вылысь. Вераны кулэ , туннэ кун ласянь сыӵе адямиосты юрттэт сётонъя портэм программаос ужало, коньдонэн капчиятонъёс чакламын. Туннэ ми но пумиськонмес та сярысь вераськонлы сӥзиськом. Кызьы юрттоно сыӵе адямиослы, уката ик со пичи пинал, школаын дышетскись ке. Телефон пыр герӟаськылӥм элькунысьтымы сӧсыр пиналъёслэн «Следж хокеен» шудонъя командазылэн тренереныз Юрий Широбоквен но Якшур- Бодьяысь ляб адӟись пиналъёслэн школа-интернатысьтызы тренерен Николай Михайловен#РадиоРоссииУдмуртия