Мылкыд (Эфир от 08.12.2020)
Удмурт кун университетысь "Чипчирган" ансамбльлы тырмиз 45 ар. 1975-тӥ арысен соин трос аръёс ӵоже кивалтӥз Удмуртиысь искусствоос удысысь дано ужась Розита Андриянова. Со туж быгатыса кылдытӥз «Чипчирганлэсь» огъя тусбуйзэ но репертуарзэ. Соку ик ансамбль семья кадь луиз. Но студентъёс университетын дышетсконзэс йылпумъяса ужаны кошко, соосты мукетъёсыз вошто, озьы ке но, коллективлэн сыӵе мылкыдыз туннэ но шӧдӥське. 2004-тӥ арысен воштӥськиз ансамбльлэн кивалтӥсез но. «Чипчирганэн» табере ужа филологи тодосъя кандидат, фольклорист Ирина Пчеловодова. «Мылкыд» сузьетысь таяз радиоверанамы тӥледыз тодматӥськомы "Чипчирган" ансамбльысь туала егит кырӟась-эктӥсьёсын#РадиоРоссииУдмуртия